Një gol çudirash është shënuar sot në ndeshjen mes Huddersfield dhe Fulham. Këta të fundit kanë fituar me goleadë 1-5, ndërsa festa nis që në minutën e 9. Një top i gjatë i kthyer pas bën portierin e Huddersfield të dalë nga porta e tij dhe të vihet në kontroll të sferës.
Megjithatë gardiani i klubit anglez del jashtë megjithë topin, të cilin në tentativë për ta kthyer përsëri në lojë e servir për kundërshtarin. Arbitri vijon lojën dhe e quan të rregullt aksionin, nga ku përfiton Mitroviç, i cili në rrëzim e sipër tund rrjetën. Ky ishte goli i parë për Fulham në këtë takim dhe padyshim më i pazakonti në karrierën e sulmuesit serb./Halit Delibashi-Sport Ekspres/
Bizarre goal from Mitro. Still counts though. Come on Fulham! pic.twitter.com/s2i1bemIi6
— Brian DeHass (@BrianDeHass) August 14, 2021