Verder Bremen sezonin e ardhshëm do të garojë në Bundesligën e Dytë gjermane. Klubi verior i ka thënë lamtumirë elitës këtë, teksa u rendit i 17-i në klasifikim. Një dështim ky që duket se dhemb shumë edhe për Milot Rashicën. Megjithëse me shumë gjasa e ardhmja e tij do të jetë larg Bremenit, kjo nuk e ndal zhgënjimin e sulmuesit shqiptar. Lojtari dardan ka shpërndarë një postim në rrjetin e tij social në “Instagram”, ku i kërkon ndjesë publike tifozëve, të cilët i falenderon për mbështetjen e pakushtëzuar përgjatë sezonit.
“Dhemb dhe gati një javë më vonë ne jemi akoma shumë të zhgënjyer. Do të duhet ende pak kohë derisa e gjithë kjo të përpunohet në kokën tuaj. Më vjen keq për të gjithë tifozët e Verderit. Sidoqoftë, unë do të doja t’ju falënderoja për mbështetjen e palodhur dhe besnikërinë tuaj këtë sezon. Ju gjithmonë keni qenë në anën tonë. Shumë faleminderit!”, shkruan Milot Rashica./Halit Delibashi-Sport Ekspres/