Brdariç është larguar zyrtarisht nga Vllaznia dhe këtë e ka pranuar vetë tekniku gjerman në një prononcim për “RTSH Sport”. Tashmë i quajtur si ish-tekniku i shkodranëve, Brdariç, ka thënë se pritshmëritë janë ngatërruar me njëra-tjetrën duke lënë të kuptohet se titulli kampion nuk ishte një objektiv i vendosur që në fillimin e sezonit.
“Jo, pse duhet të jem i zhgënjyer. Ne jemi Vllaznia, ne jemi në Shkodër, ne punojmë në maksimum. Por, nëse ke pritshmëri shumë më të larta, duhet të ruash qetësinë dhe nëse ti zgjedh t’i bësh lëmsh pritshmëritë, kjo nuk është mendësia ime. Kjo do të thotë të ëndërrosh, por unë mendoj se ne duhet të jemi të qartë në mendjen tonë dhe unë mendoj se skuadra dhe grupi teknik janë të qartë. Por unë mendoj që nuk është përgjegjësia ime të gjykoj të tjerët”, u shpreh Brdaric. /Sport Ekspres/