Amir Abrashi i ka surprizuar të gjithë ditën e sotme. Në momentin kur askush nuk e priste, mesfushori i Kombëtares shqiptare realizon lëvizjen e befasishme në merkato. Futbollisti 30-vjeçar ka lënë Frajburgun dhe Bundesligën për një rikthim në kampionatin zvicerian.
Abrashi është prezantuar ditën e sotme në klubin e njohur të Bazelit, që bën bashkë kështu dy shqiptarë në mesfushë, ku gjendet edhe Taulant Xhaka. Lojtari shqiptar ka rënë pre e dëmtimeve të shumta kohët e fundit me Frajburgun, duke humbur kështu shumë minuta në fushën e lojës.
Me këtë huazim deri në fund të sezonit në radhët e Bazelit, Abrashi është gati të rifitojë minutat e duhura në këmbët e tij për tu rikthyer në formën më të mirë të mundshme. Ndërkohë zvicerianët kanë edhe opsionin e blerjes së kartonit të 30-vjeçarit në kontratë pas përfundimit të periudhës së huazimit./Halit Delibashi-Sport Ekspres/
? Herzlich willkommen Amir Abrashi! Der Mittelfeldspieler wechselt leihweise bis Ende Saison zum FC Basel 1893 ?? Alle Infos ?? https://t.co/mcp14DTD6m#FCBasel1893 #SaliAmir #zämmestark #rotblaulive ? IWB bringt neue Energie @IWB_Basel pic.twitter.com/kHUDt0FtCf
— FC Basel 1893 (@FCBasel1893) January 27, 2021