Lojtari i Interit Bastoni ka dalë pozitiv me COVID-19 dhe kështu gjithë ekipi i Interit do t’i nënshtrohet testeve. Lajmin e ka bërë të ditur faqja e Interit, ku ka shpjeguar se i riu zikaltër është izoluar menjëherë. Në rast se një shumicë lojtarësh dalin gjithashtu pozitivë, mund të vihet në dyshim supersfida Milan-Inter.
Kujtojmë që pak ditë më parë, Juventusi fitoi ndeshjen në tavolinë përballë Napolit, pasi këta të fundit nuk u paraqitën në fushë përshkak se dy lojtarë rezultuan me koronavirusi. Megjithatë Interi në dallim nga Napoli ka faktorin kohë në anën e tij, pasi duke filluar nga nesër do të luhen ndeshjet e kombëtareve.
Shpresojmë që kjo ndeshje të luhet, pasi do të ishte një mëkat nëse rezultati nuk vendoset në fushën e gjelbërt. /Elio Hajdari-Sport Ekspres/