Barcelona mbeti vetëm një ëndërr për Rei Manaj. I afruar te ekipi B me synimin e vetëm për të siguruar një vend përkrahë yjeve katalanas, sulmuesi shqiptar e gjen veten shumë shpejt jashtë planeve të gjigantit spanjoll. Pritshmëritë e drejtuesëve të Barcelonës ishin të larta, aq sa vendosën një shifër të çmendur si klauzolë për të.
50 milionë euro është klauzola e Manajt, që duket e paimagjinueshme kur vlerëson faktin se tashmë gjendet menjëherë në listën e largimeve vetëm pak muaj pas firmës në kontratën 4-vjeçare. Ofertat nga Segunda Division nuk kanë munguar, por vetë sulmuesi i Kombëtares shqiptare i ka refuzuar, teksa synon të luajë në një ligë më të fortë në të ardhmen, ku nuk përjashtohet Serie A./Halit Delibashi-Sport Ekspres/