Ka përfunduar takimi në “Adush Muça” takimi mes Bylisit dhe Laçit. Vendasit kanë humbur me shifrat 0-3, duke lënë sërish të hapur luftën e play out-it. Nga ana tjetër kurbinasit mund t’i gëzohen 3 pikëve që i çojnë përpara në rrugën drejt Europës. Pas përfundimit të ndeshjes kanë thënë fjalën e tyre edhe vetë protagonsitët e takimit për “Supesport”.
Veljko Dovedan (Bylis): “Ka ardhur ky arbitri, që edhe Manchester United të ishim nuk do kishim fituar. Para penalltisë ka qenë edhe faull më përpara. Nuk e kam parë për penallti. E filluam ndeshjen shumë mirë, shumë bukur. Por arbitri ka dhënë shumë faullë dhe na nuk na ka lënë të luajmë. Ishin 18 faulla që nuk duheshin dhënë. Unë kam dy vjet këtu në Shqipëri dhe nuk kam folur ndonjëherë për arbitrin. E ardhmja? Ky është një problem i imi do jem apo jo”./Halit Delibashi-Sport Ekspres/