E marta e 30 prillit 2019 do të hyjë në historinë e klubit anglez Luton si një ndër ditët më të bukura, pasi u sigurua matematikisht ngjitja në Championship, niveli i dytë i futbollit anglez.
Një përrallë e vërtetë historia e Lutonit, sepse klubi që në jetën e vet ka luajtur edhe në Premier Ligë këtë dekadë ka përjetuar makthin e falimentimit dhe zbritjes në futbollin amator.
?? @LutonTown and Barnsley have been promoted to the @SkyBetChamp.
Luton's last 6? seasons:
2018-19 – 1st or 2nd in League One ??
2017-18 – 2nd in League Two ??
2016-17 – 4th in League Two
2015-16 – 11th in League Two
2014-15 – 8th in League Two
2013-14 – 1st in Conference ??— Sky Sports Statto (@SkySportsStatto) April 30, 2019
Në sezonin 2013/14 Luton nisi galopin e pabesueshëm: vendi i parë në Konferencë, kategoria më e lartë e futbollit amator, duke u kthyer në Ligën 2, kategoria e katërt.
Në sezonin 2017/18 vendi i dytë në Ligën 2 dhe ngjitje një kategori më lart, ndërsa këtë sezon sërish ngjitje, pasi është siguruar të paktën vendi i dytë.
Një arritje e pabesueshme, aq më shumë që këtë sezon e nisi me trajnerin uellsian Nathan Jones, por në janar ky iku te Stoke City, ndaj u pasua nga Michael Harford, i cili e çoi misionin deri në fund.
