Sigurisht që të shënosh një gol të jep gjithnjë kënaqësi, qoftë dhe një gol i thjeshtë, ku lojtari duhet vetëm ta shtyjë topin në fundin e rrjetës me portën e boshatisur, por ka dhe nga ata gola, ku më shumë se gëzohet ai që e shënon e vuan ai që e pëson.
Horge Karraskal luan prej dy sezonesh në Ukrainë me skuadrën e Karpatit. Kolumbiani ka realizuar një gol vërtetë që do e mbajë mend gjatë, por njëkohësisht dhe që po bën xhiron e botës. 20-vjeçari pasi i kaloi nën këmbë topin një mbrojtësi kundërshtari, bëri të njëjtën veprim dhe me portierin mik.
I veçantë, pasi realizoi një gol në versionin “Ronaldinjo”, por njëkohësisht dhe turpërues për kundërshtarët, të cilët normalisht që u vunë në siklet kur panë që në pak sekondat një djalosh 20-vjeçar t’i “shtrinte në tapet”. Goli i gjithi për t’u shijuar.
https://www.instagram.com/p/BqHv7PICY2z/?utm_source=ig_web_copy_link