Azdren Llullaku ishte i pafat në disa momente, teksa për RTSH Sport rrëfen përshtypjet e tij, ndërsa ndjen keqardhje që mori të verdhën, pasi mungon ndaj Italisë: “Më vjen keq për kartonin e verdhë, pasi nuk mund të luajë ndaj Italisë. Ishte ëndërr që e kisha që i vogël, por ky është futbolli. Gabon edhe arbitri, edhe lojtari. Mendoj se për rastet që pata, isha i pafat. Ndonjëherë të ecën mirë, ndonjëherë jo.
Formacioni atipik? Ishte formacion mjaft i mirë. Taktikë për të cilën u stërvitëm 3-4 ditë përpara. Disa gjëra të mira u bënë. Ishte Spanja, normalisht, që me një dy takime dilnin përpara.
Pjesa e dytë? Ndërruam sistemin e lojës dhe u qetësuan pak edhe ata të Spanjës, pasi në pjesën e parë luajtën fort. Patëm faj edhe ne, por nuk kemi çfarë t’I bëjmë, pasi ata kanë lojtarët që luajnë me ekipet më të mira në botë.