Ilir Daja është treguar diplomatik, si zakonisht, në konferencën e fundit për shtyp para Dinamo-Skënderbeu. Trajneri i korçarëve ka folur shkurt, duke lavdëruar klubin kroat, por gjithashtu ka shtuar se një rezultat pozitiv në Kroaci është synimi i Skënderbeut, që në Elbasan synon të përsëritë fitoren e madhe ndaj Mladës.
“Dinamo është një ndër ekipet më të mira të rajonit, ne e dimë se sa mirë punohet në këtë klub, që shet gjithmonë lojtarë. Do të bëjmë gjithçka që të kthehemi me rezultat pozitiv në Shqipëri, ndërsa më pas mund të bëhemi të rrezikshëm në shtëpi”.