Më në fund ka lëvizje pozitive te Vllaznia, edhe pse jo ndonjë lajm i bujshëm. Nuk ka të reja nga çështja Shtubina, por ndërkohë ka ardhur firma e parë për sezonin e ri.
Vllaznia ka zyrtarizuar sot rinovimin me sulmuesin Arlind Kalaja, i cili ishte pa kontratë prej 31 majit.
Tashmë 21-vjeçari ka firmosur për një vit, duke preferuar të vazhdojë procesin e rritjes te Vllaznia, ku kampionatin e fundit luajti 23 ndeshje, duke u përshtatur në disa role.