Futbollisti francez Tomas Herto vendosi të linte Italinë ku luante prej 6 sezonesh në Serie A për të provuar një eksperiencë të re në Turqi. Klubi kryeqytetas Ankaragyçy i premtoi një pagë të majme që s’mund të refuzohej.
Mjaftuan vetëm pak muaj që futbollistit t’i fillonte dhimbja e kokës. Pagat mujore filluan të vonoheshin. Drejtuesit qetësuan lojtarët duke iu thënë: Prisni deri javën tjetër ! E kështu siç ndodh shpesh, javët u bënë muaj.
Ditën e sotme Herto festonte ditëlindjen dhe mënyrë ironike thumboi ish-klubin e tij duke shkruar këtë mesazh në twitter: “Çkemi Ankaragyçy. Faleminderit që më uruat për ditëlindjen. Nëse doni të më bëni një dhuratë, po sikur të jepni rrogën e një muaji nga nëntë muajt që nuk mi keni paguar akoma”.
Hello @Ankaragucu, thank you for having wished me my birthday?? if you want to give me a gift you can pay me 1 month salary on the 9 unpaid salary????see you on Monday????????
— Thomas Heurtaux (@THeurtaux_75) July 3, 2019