Ylli i Real Madridit dhe Portugalisë, Kristiano Ronaldo, ka pranuar të paguajë një gjobë prej 18.8 milionë eurosh, pas vendimit të Gjykatave Spanjolle, që i kanë dhënë edhe një dënim prej 2 vitesh burg, me kusht, si pjesë e një gjyqi për evazion fiskal.
Portugezi është në Rusi duke u përgatitur për debutimin në Kupën e Botës, sot ndaj Spanjës, por tashmë vëmendja shkon te telashet e tij ligjore.
Sulmuesi ka pranuar 4 akuza për mashtrim dhe ka vendosur të paguajë për të shmangur burgun. Natyrisht, dy vitet burg mbeten pezull dhe hyjnë në fuqi nëse Ronaldo shkel sërish ligjet në të ardhmen.