“Paratë e lirimit e tij erdhën nga Barcelona”/ Ronaldinho i dhuroi golin e parë në karrierë, Messi i kthen pasimin

“Goli i parë kundër Albcete dhe atë pasim nga Ronaldinho nuk do ta harroj kurrë”– ka qenë një nga delaratat më emocionuese të Leo Messit. Ylli i Barcelonës nuk e ndan nga memorja momentin të cilin ëndërronte çdo mbrëmje. Të shënonte golin e parë me fanellën e katalanasve. Dhe kjo ëndërr u realizua mjaft shpejt fal edhe një pasimi të Dinhos. E ky pasim i ka ardhur mbrapsht veteranit të futbollit magjik, atij futbolli që na dashuroi të gjithëve.

“Paratë për lirimin e Ronaldinhos, erdhën nga një llogari në Barcelonë. Nuk ka një emër dërguesi dhe as që mendohet të jenë paratë e tij pasi gjendja e tij ekonomike është e zeruar”– kështu shkruan media “TNT Sport” në një nga artikujt e saj të fundit. Gjykata e Paraguaj vendosi lirmin nga burgu të Ronaldinhos dhe të vëllait në momenti kur në Drejtorinë e Burgjeve vendase erdhi një shumë garancie prej afro 1.5 milion euro. Një shumë e majme që i ofroi lirinë nga qelia magjistarit të topit si dhe kryerjen e arrestit të shtëpisë në një nga hotelet luksoze të Paraguaj.

Duket si një përrallë e bukur apo jo?! Miku që dikur ti i zgjate dorën për ta ngritur në këmbë sot të kthen reston duke mos lejuar që tit ë biesh. Megjithëse asgjë nuk është zyrtare, “fajtori” i lirimit të Ronaldinhos është Leo Messi. Më herët vet argjentinasi kishte deklaruar se do të vinte në dispozicion të mikut të tij një grup avokatësh, ndërsa sot legjenda braziliane është në liri pas një përjetimi dramatic në jetën e tij./Sport Ekspres/