Kontrata e Edi Rejës me Kombëtaren e Shqipërisë përfundoi këtë muaj dhe tifozët janë në pritje të emrit të ri që do e pasojë në krye të pankinës. Në një intervistë për “Euronews Albania”, Alban Tafaj është shprehur se është çështje ditësh mësimi i trajnerit të ri të Kombëtares. Më tej zbulon se drejtuesi i kuqezinjve me shumë mundësi do të jetë italian.
“Trajnerin do ta kemi shumë shpejt. Emri i trajnerit është me ditë për të dalë. Para Vitit të Ri besoj, ky ka qenë edhe premtimi i presidentit. Normale, mund të jetë linja e italianëve, sepse ata janë më afër futbollit tonë dhe më afër mentalitetit tonë”, ka thënë Alban Tafaj./Halit Delibashi-Sport Ekspres/