FFK ka zyrtarizuar pak më parë miqësoren që do të zhvillojë më 29 mars. Përballë dardanëve në fushë do të zbresin dy shqiptarë me origjinë nga Kosova, Granit Xhaka dhe Xherdan Shaqiri. Marrëveshja është arritur dhe dy përfaqësueset kanë rënë dakort që të zhvillojnë një takim miqësor në Cyrih përpara fillimit të Ligës së Kombeve.
Një takim ky që pritet të jetë interesant, duke qenë se do të ketë lojtarë shqiptarë në të dy anët e fushës. Gjithashtu një pjesë e mirë e futbollistëve të Kosovës janë rritur në futbollin zviceran./Halit Delibashi-Sport Ekspres/