Vllaznia po vijon punën në merkato për të ndërtuar një ekip që mund të vërë në jetë projektin e klubit për ringritjen në nivelet më të larta. Shkodranët ka zgjidhur ditën e sotme edhe problemet me portën e tyre, teksa kanë zyrtarizuar gardianin malazez, Bojan Zogoviç. Gjithashtu një tjetër afrim eshtë edhe ai i mbrojtësit 20-vjeçar, Enes Isufi. Ky i fundit ishte pjesë e Skënderbeut, megjithëse është një prodhim i akademisë shkodrane. Nga sezoni i ardhshëm Isufi do të mbajë sërish veshur fanellën kuqeblu.
Por në skuadër po punojnë edhe me futbollistët brenda ekipit. Pas disa rinovimeve të zyrtarizuara në ditët e fundit, 2 të tjerë njoftohen ditë ne sotme. Bëhet fjalë për Behar Ramadanin dhe për Florind Bardullën, të cilën kanë pranuar të qendrojnë edhe për të paktën një sezon në Shkodër./Halit Delibashi-Sport Ekspres/
