Për Emiliano Bullarin nuk mund të quhet rastësi ajo ftesë e ardhur nga ana e trajnerit të parë të Olimpiakosit, në ndeshjen e ‘Europa League” kundër Arsenalit. Megjithëse sulmuesi shqiptar nuk debutoi me ekipin e parë, por skuadra greke arriti të bënte mrekullinë duke u kualifikuar në minutat e fundit.
Së fundmi ka dalë edhe lista me 22 emra për lojtarët e thirrur për përballjen mes PAOK-Olimpiakos. Flitet për derbin më të nxehtë në Greqi, por edhe në Europë. Një ndeshje ku tifozët kanë kryefjalën me spektaklin e dhuruar, ndërsa në jo pak raste merr flakë i gjithë stadiumi. Edhe këtë herë kemi përfshirjen e Emiliano Bullarit në ekipin e parë, pas ndeshjeve fantastike të zhvilluara me të rinjtë. /Sport Ekspres/