Teuta nuk ka vonuar shumë dhe prezanton pasardhësin e Stivi Frashërit. Kampionët e Shqipërisë e gjejnë portierin e ri në Kategorinë Superiore. Panajot Qirko është gardiani që do të vendoset mes shtyllave për skuadrën durrsake. Lajmin e bën të ditur vetë klubi përmes faqes zyrtare në “Facebook“, ku tregon se çelësat e portës sezonin e ardhshëm i dorëzohen 21-vjeçarit që vjen nga Bylisi.
“KF Teuta me kënaqësi komunikon marrëveshjen me portierin 21-vjeçar, Panajot Qirko. Drejtuesit e klubit dhe Qirko kanë gjetur akordin për bashkëpunim, lojtari është prezantuar në ambientet e stadiumit “Niko Dovana” në praninë e shefit të klubit Enid Furxhi dhe tashmë është pjesë e bluve. Qirko, portier me shtetësi (Shqipëtare) do të jetë pjesë e bluve pas eksperiencës tek, Flamurtarit, Tirana dhe së fundmi tek Bylisi”, njofton klubi i Teutës./Halit Delibashi-Sport Ekspres/