Merkatoja e janarit ka prodhuar edhe një goditje për Skënderbeun, që sot ka zyrtarizuar Emiljano Vilën.
Mesfushori u largua në fillim të muajit nga Partizani, pas më shumë se 100 ndeshjesh si i kuq, ndërkohë që nuk reagoi asnjëherë për largimin plot mister dhe pa asnjë shpjegim zyrtar nga Partizani.
Tani 29-vjeçari kalon në Korçë, aty ku trajneri Daja e konsideron të nevojshëm, duke parë edhe vonesën e Afrim Takut, i cili është ende në Amerikë.
Për momentin tifozët në Korçë janë të ndarë, shumë prej tyre e shohin si një “ish” të Partizanit e disa të tjerë nuk e konsiderojnë përforcim cilësor, por tani e ka në dorë Vila të tregojë sa vlen.
