FIFA ka zyrtarizuar ndryshimet për Kupën e Botës 2026. Turneu më madh për Kombëtare do të ndryshojë format, duke nisur nga edicioni i ardhshëm. Tashmë do të jenë plot 48 ekipe kombëtare që do të marrin pjesë në fazën e grupeve, në ndryshim nga 32 ishin deri më tani. Skuadrat do të ndahen në 12 grupe me nga 4 ekipe secili dhe 2 vendet e para për çdo grup, së bashku me 8 vendet e 3-ta më të mira do të kualifikohen në fazën me eliminim direkt.
Në tërësi, do të jenë plot 104 ndeshje që do të zhvillohen në Kupën e Botës 2026, e cila do të organizohet nga SHBA-të, Kanadaja dhe Meksika. Shtimi i pjesëmarrësve në këtë kompeticin rrit shpresat edhe për Kombëtare të vogla si Shqipëria, të cilat tashmë kanë më shumë shanse për kualifikim në Kampionatin Botëror./Halit Delibashi-Sport Ekspres/