Teuta nuk ka humbur kohë dhe ka zyrtarizuar trajnerin e ri të klubit. Në stol do të ulet një emër i njohur për ta. Bëhet fjalë për trajnerin shkodran, Edi Martini, i cili ka qenë edhe më parë në rolin e trajnerit te Teuta. Pas 10 vitesh, Martini ka vendosur të marrë edhe një herë tjetër drejtimin e bregdetarëve, ku do të nisë seancën e parë stërvitore ditën e nesërme. Njoftimi vjen në faqen zyrtare të Teutës në “Facebook”.
Ndërkohë ndeshja e tij e parë do të jetë në mesjavë, ku durrsakët do të kenë një përballje të vështirë me kampionët në fuqi të Superiores, Partizanin./Sport Ekspres/
