Partizani ka zyrtarizuar edhe lojtarin që do të zëvendësojë Skukën. Ashtu siç ishte përfolur në media, Christian Mba ka firmosur për të kuqtë. Lojtari ka peshën e madhe për të zëvendësuar futbollistin që kushtoi 1.4 milionë euro. Në Kosovë njihej si një futbollist me nuhatje të frikshme golit dhe pritshmëria mbi të mbetet e madhe.
“FK Partizani me kënaqësi zyrtarizon afrimin e Christian Mba. Klubi ka arritur akordin me sulmuesin, i cili së fundmi ishte pjesë e ekipit Trepca 89′. 23 vjeçari nga Nigeria ka firmosur një kontratë për 3 vite e gjysëm me opsion edhe për një tjetër vit”, shkruhet në reagim. /Sport Ekspres/