Teuta ka nisur të bëjë ndryshime në skuadër në këtë merkato të janarit. Kampionët në fuqi të Superiores kanë njoftuar largimin e dy lojtarëve mbrëmjen e sotme. Klubi durrsak ka njoftuar përmes faqes zyrtare në “Facebook“ se ka mbyllur bashkëpunimin me Bobi Celeskin dhe me Pepi Gorgievin.
Kyi fundit është afruar në skuadër në verë, por nuk i përmbushi pritshmëritë që klubi kishte. Gorgiev nuk arriti të mbante dot mbi supe peshën e sulmit te “djemtë e detit”, teksa në 15 javë kampionat ka arritur të tundë rrjetën vetëm 4 herë./Halit Delibashi-Sport Ekspres/