Një tjetër lojtar i Superiores bën hapin jashtë Shqipërisë. Shumë futbollistë të talentuar kanë bërë kapërcimin këtë merkato, ndërsa i fundit është Donald Açka. Mesfushori 22-vjeçar ishte pjesë e Luftëtarit në sezonin që lamë pas, klub me të cilin kontrata i përfundoi në fund të këtij kampionati.
Açka ka vendosur që të ardhmen ta vazhdojë në Rumani, atje ku ka hedhur firmën në kontratë për Politechnica Iasi. Klubi ka prezantuar afrimin e futbollistit shqiptar nëpërmjet faqes zyrtare në “Instagram”. Ish-lojtari i Luftëtarit do i bashkohet skuadrës për ndeshjen e radhës./Halit Delibashi-Sport Ekspres/