Enriko Papa është kthyer përsëri në Rumani. Mesfushori shqiptar ka përfunduar përkohësisht përvojën e tij në radhët e Rizesporit, te të cilët u transferua në korrik të vitit të shkuar. Klubi turk ka njoftuar përmes faqes së vetë zyrtare se Papa do të jetë përkohësisht pjesë e Sepsit në kampionatin rumun. Kampionat të cilin lojtari 29-vjeçar e njeh mjaft mirë, pasi pikërisht aty arriti shkëlqimin më të madh në karrierë duke luajtur për Botoshanin.
“Është arritur marrëveshja për transferimin e përkohshëm të lojtarit tonë, Enriko Papës, në skuadrën e Super Ligës së Rumanisë, Sepsi OSK. I urojmë atletit tonë një sezon të suksesshëm dhe pa dëmtime me ekipin e ri”, ka njoftuar klubi i Rizesporit./Halit Delibashi-Sport Ekspres/