Skuadra e Ballkanit në Kosovë nuk ka pritur janarin për të nisur merkaton, teksa sot ka prezantuar dy futbollistë. Skuadra kosovare ka afruar ish-mesfushorin e Teutës, Tarik Çmajçanin, ashtu si dhe Visar Sahitin nga Vushtria.
Çmajçanin është një emër i dëgjuar për ne, pasi në vitin 2016 u bashkua me ekipin Teutës, ku u aktivizua për një sezon e gjysmë. Boshnjaku me pasaportë serbe është tunduar nga oferta e skuadrës së Ballkanit dhe ka pranuar ofertën e drejtuesve.
Me ekipin e Teutës, Çmajçanin luajti 32 ndeshje, duke realizuar dhe një gol. 24-vjeçari luan si mesfushor dhe shihet si një përforcim me shumë vlerë për skuadrën.