Kapiteni i Milanit, Alessio Romagnoli është larguar zyrtarisht nga skuadra kuqezi. Pas 7 viteve me kampionët e Italisë, 27 vjeçari do të jetë sezonin e ardhshëm nën urdhërat e Maurizio Sarrit, ku dhe koleg do të ketë mbrojtësin e Kombëtares së Shqipërisë, Elseid Hysaj.
Skuadra e Milanit investoi shumë tek Alessio Romagnoli, duke i besuar dhe shiritin e kapitenit që në moshë të re, megjithatë për asnjë moment nuk arriti të jetë një lojtar klasi. “Kam prekjen e Zidane dhe ndërhyrjen e Nestas”- do të deklaronte para disa vitesh Romagnoli, por gafat e tij në mbrojtje treguan tjetër gjë. Përveç kësaj, Romagnoli pritet të përballet me urrejtjen e tifozëve të Romës, në te cilën luante përpara se të transferohej tek Milani./Elio Hajdari-Sport Ekspres/