Merkatoja e dimrit ka mbërritur dhe për ekipin e Gjilanit ka nisur me largime. Trajneri Mezani nuk do të ketë më në urdhërat e tij futbollistin Qëndrim Dautajn. Ky i fundit nuk do të jetë pjesë e klubit të Gjilanit, teksa ka qenë vetë ai që ka bërë të ditur lajmin.
Dautaj shpreh falenderimet e tij për klubin si dhe për lojtarët me të cilët ai ka kuajtur te “skifterat”, ndërsa tregon edhe përfundimin e aventurës së tij me skuadrën, që ishte e shkurtër dhe zgjati vetëm 6 muaj.
“Prej sot nuk do të jem pjesë e SC. Gjilanit. Falënderoj kryesinë e klubit dhe bashkëlojtarët për këta muaj të kaluar së bashku. Suksese në vazhdim, me respekt Qëndrimi”, njofton mesfushori./Sport Ekspres/