Çmenduri, vetëm kështu mund të quhet ajo që ndodh në futbollin kinez, ku shpenzohen miliona euro për lojtarë të njohur nga Europa, shpesh duke paguar shumëfish në krahasim me vlerën e lojtarit.
Tani është Stefan El Sharaui ai që joshet nga milionat kineze, sepse sulmuesi italian ka vendosur ta pranojë ofertën, e Shanghai Shenhua, edhe pse fillimisht bëri naze, duke thënë se ishte tepër i ri për të shkuar në Kinë.
Kontratë 3-vjeçare, 40 milionë euro në total për ish-futbollistin e Romës, me klubin verdhë kuq që merr thuajse 20 milionë euro, shifër aspak e vogël.
El Sharaui është nisur për në Kinë dhe tashmë duhet të justifikojë paratë, sepse Shanghai Shenhua është në vendet e fundit në Superligën kineze.