Czeslaë Michniewicz ishte trajneri që e drejtoi Poloninë në Botërorin e Katarit. Ky teknik ka qenë më herët te Legia e Varshavës dhe emrin e tij e njohin mirë tifozët shqiptarë, pasi do ta krahasonte Ernest Muçin me Mesin. Megjithëse arriti ta kalonte Poloninë në fazën me eliminim direkt, në Federatën Polake të Futbollit nuk u bindën aspak nga loja e zhvilluar.
Për këtë arsye u vendos që kontrata të mos rinovohej dhe pas skadimit të saj, Federata do të zyrtarizonte largimin e tij. Ashtu si edhe Shqipëria, Polonia mbetet në kërkim të trajnerit të ri, ndërsa ndeshja e parë në kualifikueset e Europianit do të jetë mes këtyre Kombëtareve. /Sport Ekspres/