Silvio Berluskoni kthehet të drejtojë një klub. Ish-presidenti i Milanit është pronari i ri i Monzës. Fininvest njoftoi se me një komunikatë zyrtare, se kishte përfunduar blerjen e 100% të “Shoqërisë Sportive Monza 1912” nga familja Kolombo. President i mëparshëm i Monzës ishte Nikola Kolombo.
Gjithashtu përveçse Berluskonit, futbollit i është rikthyer edhe ish-administratori i deleguar i Milan, Adriano Galiani. Galiani bashkohet përsëri me Bersluskonin pas shumë vitesh, ku kujtojmë kanë arritur suksese të njëpasnjëshme më klubin e Milan.
Monza aktualisht luan në serinë C dhe këtë sezon e ka nisur në mënyrën më të mirë. Ekipi italian numëron 3 fitore në 3 ndeshje dhe kryeson tabelën e renditjes, duke qenë një ndër pretendentët kryesore për tu ngjitur një kategori më lart.