Kosova ka aplikuar këtë sezon për herë të parë teknologjinë VAR. Por duket se marrëdhëniet e para me teknologjinë nuk kanë qenë edhe aq të mira për arbitrat. Gjatë ndeshjes së luajtur sot mes Ferizajt dhe Prishtinës është dashur ndërhyrja e VAR-it për të sqaruar rastin e akorduar penallti nga kryesori i takimit.
Por konsultimi zgjati më shumë se pushimi mes pjesëve të ndeshjes. Ndeshja u ndal në minutën e 31-të dhe arbitri u harrua pranë monitorit për 16 minuta. Gjithashtu pati edhe probleme teknike në komunikimin me dhomën e VAR-it, çka bëri që ndeshja të niste përsëri në minutën e 47 të takimit./Halit Delibashi-Sport Ekspres/