Armando Broja është në fazën e fundit të rehabilitimit dhe pritet që të jetë i gatshëm për trajnerin Pochetino. Te Chelsea janë duke shpresuar shumë nga ky futbollist. Për këtë arsye nuk i kanë lënë mundësi Milanit dhe Romës që të vazhdojnë më tej në bisedime për ta marrë në Serinë A.
Nga krahu tjetër, zëvendës kapiteni dhe mbrojtësi i Chelsea, Ben Chilwell, ka vendosur një bast para tifozëve të Chelsea. “Unë mendoj se Armando Broja do të shënojë shumë gola në këtë sezon me Chelsea. Shpresoj se ka për të surprizuar shumë njerëz”, tha Chilwell. Ky i fundit ishte lojtari që i ka qëndruar më shumë afër Brojës gjatë dëmtimit të tij pasi e kaloi thuajse të njëjtin dëmtim si sulmuesi shqiptar më parë. /Sport Ekspres/