Po bëhet gjithçka që ndeshja e sotme Kukësi-Skënderbeu të luhet, edhe pse natyrisht nuk do të jetë një ndeshje në kushte normale.
Bora e rënë gjatë natës ka arritur në mbi 30 cm trashësi dhe në orët e para të ditës së sotme sërish ka nisur pastrimi i fushës me makinat e borës.
Fusha do të jetë e pastër, por bora e hequr është spostuar në anësore dhe duhet pastruar edhe ambienti para pankinave. Gjithashtu, shkallët e stadiumit janë të mbuluara nga bora e trashë, ndaj vetëm në qendrore është e mundur të shihet ndeshja normalisht.