Prej disa kohësh kryefjala mediatike sportive ka qenë rifillimi i futbollit në vendin tonë. Pavarësisht qendrimit aspak ndihmues dhe mbështetës nga ana e Qeverisë, në ditën e djeshme u lejuan stërvitjet në grup. Ndërkohë pritet që të jepet leja për zhvillimin e kampionateve në javën e parë të qershorit. E nëse futbolli po kthehet në rrugën e drejtë, vazhdojnë të lihen në harresë sportet e tjera.
Për këtë arsye KOKSH dhe presidenti Viron Bezhani ka dërguar një letër instancave të duhura shtetërore, që të hedhin sytë nga sporti. Aty kërkohet që të veprohet si me futbollin, pasi aktualisht nuk po lejohet as stërvitja, ndërsa sportistët kërkojnë të kthehen sa më shpejt në detyrë, për të përfaqësuar denjësisht Shqipërinë në arenat ndërkombëtare dhe Lojërat Olimpike. “Sport Ekspres” zbulon dhe letrën e dërguar…
