Nuk ka vetëm largime nga ana e Vllaznisë, teksa ka ardhur afrimi i parë që pritet të përforcojë shkodranët. Bëhet fjalë për Ardit Hoxhajn, “shpëtimtarin” e vetëm te Flamurtari me sezonin e zhvilluar, duke shënuar thuajse rregullisht teksa po i afroheshim ndeshjeve të fundit në Superiore për sezonin që sapo lamë pas.
Për këtë lojtar kishte interesim edhe nga e Menemesporit në Turqi, megjithëse nuk erdhi një transferim i tillë. Hoxhaj është parë nën urdhërat e trajnerit të ri të Vllaznisë për të nisur kështu një aventurë të re, ndërsa mungon ende një zyrtarizim nga ana e skuadrës rreth këtij afrimi. /Sport Ekspres/
(Foto e marrë nga Star Plus)