Komisioni i Disiplinës ka publikuar vendimet sa i përket javës që lamë pas në futbollin shqiptar. Paralajmërime ka pasur për Laçin dhe drejtorin sportiv të Partizanit, Olsi Ramën, që do të jenë subjekt të masave disiplinore në rast të përsëritjes së sjelljes jo sportive.
Drejtori i të kuqëve ka zbritur në pushimin e ndeshjes mes Teutës dhe Partizanit. Starova do të zbulonte nëpërmjet një “sms” se Rama ka kërcënuar arbitrin për mënyrën sesi po e mbante pjesën e parë, megjithëse gjithçka u mohua nga vetë Olsi Rama. /Sport Ekspres/
VENDIMET
KF Laçi, në bazë të nenit 12 të KDS, paralajmërohet se në rast të përsëritjes së dështimit në përmbushjen e detyrimeve dhe përgjegjësive, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Zyrtari i FK Partizani, Olsi Rama, në bazë të nenit 12 të KDS, paralajmërohet se në rast të përsëritjes së sjelljes josportive ndaj zyrtarëve të ndeshjes, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Lushnja Femra, për braktisjen e ndeshjes së vlefshme për Kampionatin Kombëtar të Femrave, kundër Apolonia – Femra, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
JA Tirana U-17, për braktisjen e ndeshjes së vlefshme për Kampionatin Kombëtar të Kategorisë së Parë U-17 – Grupi B, kundër Durrësi 04 U-17, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
Oriku U-19, për braktisjen e më shumë se një ndeshjeje të vlefshme për Kampionatin Kombëtar të Kategorisë së Parë U-19 – Grupi C, në bazë të nenit 54/1 të KDS, humbet ndeshjen kundër FC Lushnja U-19, në tavolinë me rezultatin 3-0. Në bazë të nenit 30.1 të Rregullores së Veprimtarisë Futbollistike, përjashtohet nga gara dhe i zbriten 6 pikë në sezonin pasardhës.
FK Tomori U-19, për braktisjen e ndeshjes së vlefshme për Kampionatin Kombëtar të Kategorisë së Parë U-19 – Grupi C, kundër KF Egnatia U-19, në bazë të nenit 54/1 të KDS, humbet ndeshjen në tavolinë me rezultatin 3-0 dhe i zbriten 3 pikë nga klasifikimi.
F.Tekstil U-15, për shkak të ndërprerjes përfundimtare të ndeshjes së vlefshme për Kampionatin e Moshave U-15 Play off, kundër Petrela U-15, në bazë të neneve 30/1 dhe 30/4/a të KDS, humbet ndeshjen në tavolinë me rezultatin 3-0.
Lojtari i Petrela U-15, Franc Xhebrahimi, për provokim të publikut, në bazë të nenit 52 të KDS, dënohet me 2 (dy) ndeshje pezullim nga aktiviteti.
Pranimin e kërkesës së zyrtarit të FK Tomori, Bledar Sinella, duke pezulluar zbatimin e pjesës së mbetur të dënimit. Në bazë të nenit 32/2/4/5 të KDS, zyrtari vendoset në provë për një afat 6 (gjashtë) mujor dhe në rast të përsëritjes të shkeljes disiplinore gjatë periudhës së provës, dënimi i pezulluar i shtohet dënimit të ri.