Pas mw pak se 60 minutash, saktësisht në orën 19:00, në Rekjavik të Islandës, kuqezinjtë e vegjël të Alban Bushit do të zbresin në fushë për të sfiduar vendasit, në një sfidë ku do të mungojë kapiteni Keidi Bare i ndëshkuar me karton të kuq në ndeshjen e fundit, me Irlandën e Veriut. Për t’u veçuar fakti se pjesë e formacionit janë tre futbollistë që aktivizohen në Kategorinë Superiore. Portieri Selmani, mbrojtësi Doka dhe mesfushori Abazaj e kanë bindur trajnerin Bushi që t’u besojë një fanellë titullari. Lajmi i mirë është rikuperimi i Ylber Ramadanit, i cili në ndeshjen e pak ditëve më parë nuk ishte pjesë e skuadrës.
