Presidenti i Los Anxhelos Galaksi, Kris Klain ka lënë të kuptohet se Zlatan Ibrahimoviç nuk do të luajë për ekipin e tij
Klubi amerikan Los Anxhelos Galaksi ka shfaqur interesin e vet për të afruar ish-sulmuesin e Mançester Junajtidit Zlatan Ibrahimoviç. Por për kalimin e suedezit në SHBA do të duhet ende kohë.
Duke folur për mediat britanike ai ka thënë se Ibrahimoviç do të vijojë karrierën e tij në Evropë. “Kemi marrëdhënie mjaft të mira në Ibrahimoviçin – ka thënë presidenti i Los Anxhelosit, Kris Klain – Ai e do klubin tonë dhe Los Anxhelosin. Ne gjithashtu jemi të interesuar për të, por unë besoj se për momentin ai do të qëndrojë në Evropë.”
Vetëm pak ditë më parë trajneri i Mançester Junajtidit, Murinjo la të kuptohet se Ibrahimoviç mund të kthehet përsëri me “Djajtë e kuq”.