Arsenali hodhi një hap fals mbrëmjen e djeshme. “Topçinjtë“ barazuan 2-2 kundër Liverpool-it, duke i lëshuar terren Manchester City-t, që i ndjen nga vendi i dytë. Granit Xhaka është vënë në shënjestër për këtë barazim, teksa “Anfield” mori një fytyrë tjetër pas përplasjes së mesfushorit shqiptar me Trent Alexander-Arnold. Por në mbrojtje të Xhakës ka dalë ish-lojtari i Arsenalit, Ian Wright-i,i cili e sheh ndryshe situatën.
“Nuk duhet shumë për të ndezur atë turmë. Mendoj se njërëzit po përpiqen t’i vënë fajin dikujt. Kjo është mënyra se si Xhaka luan. Me shumë mundësi kështu do të luante edhe po të luante në kopështin e tij. Nuk do ia hidhja fajin atij”, është shprehur Ian Wright-i./Halit Delibashi-Sport Ekspres/