Vllaznia humbi ndeshjen, por edhe Malotën në Laç

0

Të hënën Vllaznia pret në stadiumin “Loro Boriçi” Flamurtarin dhe kjo është një tjetër “finale” për kuqeblutë. Fitorja është rezultati i vetëm që u bën punë, ndërkohë që për trajnerin Ernest Gjoka shtohet një mungesë të rëndësishme.

Mbrojtësi Renato Malota protestoi pas golit të Laçit dhe gjyqtari Olsi Sokoli i tregoi kartonin e verdhë. Ky ishte i dyti për lezhjanin me fanellën e Vllaznisë, por në pjesën e parë të sezonit ai është ndëshkuar dy herë me Partizanin, ndaj do të munojë kundër vlonjatëve.

Një problem jo i vogël për Vllazninë, sepse Malota është kthyer në një lojtar kyç në qendër të mbrojtjes, duke u ambientuar mirë dhe duke përmirësuar nga java në javë kombinimin me Sedat Berishën, edhe ky i afruar në janar.

Fitorja e Teutës në Kamzë ka shtuar ndjeshëm presionin te Vllaznia, që të hënën do të detyrohet të luajë për fitore, duke shpresuar ndërkohë që Teuta të mos fitojë ndaj Partizanit.

You might also like
Leave A Reply

Your email address will not be published.