Vinicius Junior ka dhënë së fundmi një intervistë interesante në kanalin e “YouTube” “Desimpedidos”. Sulmuesi i Realit të Madridit, që këto kohë është përfolur gjatë në media për shkak të fjalëve të thëna nga Benzema për të, ka sqaruar se mes tyre ekziston një marrëdhënie e mirë. Më tej, talenti brazilian tregon preferencat e tij në Play Station, ku duket se tradhëton ekipin e tij për rivlaët më të mëdhenj, Barcelonën.
“Raporti me Benzema? Nuk ka probleme mes nesh. Kemi një marrëdhënie të mirë. Në Play Station zgjedh Barcelonën. Në fillim e merrja gjithnjë për shkak të Neymar-it. E zgjidhja për të. Por më pas fillova të zgjidhja Realin me Bale dhe Ronaldo. E dua Realin e Madridit”, ka thënë Vinicius Junior./Halit Delibashi-Sport Ekspres/