Granit Xhaka është larguar nga Arsenali pas 7 viteve. Mesfushori shqiptar ka firmosur në Gjermani, ku për 5 vitet e ardhshme do të jetë pjesë e Bajer Leverkusenit. Klubi nga Bundesliga ka paguar 25 milionë euro në llogarinë bankare të Arsenalit për t’i plotësuar dëshirën e merkatos Ksabi Alonsos.
Ndërkohë Arsenali e ka përcjellë me falenderime ish-kapitenin e tij. “Topçinjtë” kanë shpërndarë një video në llogarinë zyrtare në “Twitter”, ku ndajnë me ndjekësit disa nga momentet shënjuese të Xhakës në Londër.
“297 paraqitje. 23 gola. 29 asiste. DY FA Cups. Dhe një histori frymëzuese. Granit Xhaka, përgjithmonë pjesë e familjes së Arsenalit”, ka shkruar klubi londinez./Halit Delibashi-Sport Ekspres/
297 appearances. 23 goals. 29 assists. Two FA Cups. And one inspirational story.?
Granit Xhaka: forever a part of the Arsenal family ?? pic.twitter.com/gbgRVicFiM
— Arsenal (@Arsenal) July 6, 2023