Kanë përfunduar dy takimet e sotme të vlefshme për javën e 14 të Kategorisë Superiore. Vllaznia ka përmbushur hakmarrjen ndaj Kukësit. Verilindorët ishin të parët dhe të vetmit që dolën me 3 pikë nga “Loro Boriçi”, duke e bërë edhe më të zjarrtë këtë sfidë të sotme.
Ekipi i udhëhequr nga Hallaçi rezistoi vetëm për 58 minuta, kur kuqeblutë tundën rrjetën falë Kalasë. Vllaznia konfirmon edhe njëherë se nuk njeh rivalë këtë sezon, duke kryesuar tabelën e klasifikimit me 9 pikë diferencë nga Teuta.
Këta të fundit kanë marrë një fitore aq shumë të munguar dhe ndaj Bylisit shohin më në fund dritë në fund të tunelit. Rezultati përfundimtar i fiksoi shifrat në 2-0 për durrsakët, që këtë herë kanë zgjidhur ngërçin e golit./Halit Delibashi-Sport Ekspres/
LIVE, Kukësi-Vllaznia 0-1 Kalaja 58′
LIVE, Teuta-Bylis 2-0 L. Vila 27′, Gruda 66′