VIDEO/ Vitet kalojnë por klasi mbetet, panenka e veçantë vjen nga këmba e Santi Cazorla-s

0

Megjithëse vitet kalojnë, klasi në këmbët e një lojtari mbetet po aty. Një gjë të tillë po e tregojnë dita-ditës emra të mëdhenj të futbollit, të cilët vazhdojnë të dhurojnë momente të bukura në fushë pavarësisht viteve që kanë mbi supe. Një prej tyre është edhe Santi Cazorla. Ish-lojtari i Kombëtares së Spanjës ka vendosur t’i kalojë vitet e fundit të karrierës së tij në Katar, atje ku ka veshur fanellën e Al Sadd.

Në ndeshjen e fundit të luajtur me skuadrën e tij, Cazorla tregon klasin e tij me mënyrën e ekzekutimit të një 11 metërshi. Panenka e famshme vjen nga e majta e tij, por këtë herë më e veçantë se zakonisht. Kjo pasi prekja e lehtë e bën topin të trokasë përsëri në fushë ende pa kaluar vijën fatale, duke ia shtuar më tepër bukurinë këtij goli./Halit Delibashi-Sport Ekspres/

You might also like

Leave A Reply

Your email address will not be published.