Napoli vazhdon arratinë në krye të tabelës së klasifikimit. Këtë sezon duket se titulli kampion është i destinuar të shkojë në Napoli, teksa skuadra e Spaletit është treguar e pandalshme në këto 23 javë të Serisë A. Të kaltrit kanë marrë sot fitoren e radhës dhe shkojnë në 18 pikë diferencë në krye të renditjes.
Bajrami me shokë ishin të pafuqishëm përpara makinerisë që ka ndërtuar Spaleti. Sasuolo është mposhtur me rezultatin 0-2 nga Napoli, që nuk e pati aspak të vështirë të gjejë rrugën e rrjetës. Kvarashkelia ka shënuar gol që në minutën e 12, ndërsa në të 33-tën Osimhen dyfishoi shifrat. Dyshja në fjalë udhëheq napoletanët drejt suksesit të radhës në Serinë A, duke dëshmuar edhe një herë formën e jashtëzakonshme që po kalojnë./Halit Delibashi-Sport Ekspres/
Victor Osimhen is an unreal footballer!! What a goal! pic.twitter.com/NSJMBdvCU7
— LERRY ? (@_AsiwajuLerry) February 17, 2023