Dortmundi arriti të fitonte me shifrat 1-2 në transfertën ndaj Bochum. Kjo ndeshje ishte e vlefshme për Kupën e Gjermanisë. Goli që tërhoqi vëmendje në këtë takim ishte i pari i Dortmundit, i realizuar nga Emre Can. Pas një dalje të portierit të Bochum dhe spastrimin e topit nga zona, Can përfitoi nga porta e boshatisur dhe realizoi thuajse nga mesfusha.
Ajo që ka tërhequr vëmendje është mënyra sesi vraponte Riemann për të shkuar te topi, aq sa të krijonte përshtypjen e ecjes. Tifozët e Bochum kanë ngritur jo pak dyshime mbi portierin e tyre për këtë gol të pësuar. /Elio Hajdari-Sport Ekspres/