Oto John kishte shkuar në Nigeri për pushime të cilat po zgjasin më shumë nga çfarë ishte parashikuar. Sulmuesi pritet me padurim te Prishtina që ka nisur stërvitjet për vazhdimin e sezonit, por nga ana tjetër po vonon leja që John të bashkohet në Kosovë me pjesën tjetër të ekipit.
Së fundmi futbollisti tregon nëpërmjet një video se nuk po qëndron duarkryq gjatë kësaj periudhe. Stërvitjet nuk janë lënë në asnjë moment të vetëm, megjithëse ajo që tërheq vëmendje është fakti se Oto John shihet teksa ka veshur fanellën e Skënderbeut dhe jo atë të Prishtinës. /Sport Ekspres/